कलाकार उषा रजकले मागिन् राजेश हमालसँग माफी

२८ असोज, काठमाडौं । अभिनेत्री उषा रजकले नायक राजेश हमालसँग माफी मागेकी छन् । रजकले हमाल लक्षित दिएको एक अभिव्यक्तिको चर्को आलोचना आएको थियो । आलोचना भइरहेकै बेला उनले हमालसँग आइतबार सामाजिक संजालमा सन्देश पोष्ट गरी माफी मागेकी हुन् ।

उनले हमालको अभिनय पनि खासै लायक नभएको र नृत्य पनि सबैलाई थाहा भएको भन्दै विवादास्पद अभिव्यक्ति दिएकी थिइन् । जसका कारण उनी आलोचनाको केन्द्रमा परेका छन् । माफी माग गरिएको सन्देशमा उनले हमालको अभिनय र बौद्धिकता आफ्नो लागि प्रेरणादायी रहेको र आफूले धेरै राम्रा कुरा भनेको समेत जनाएकी छन् । आफ्नो अभिव्यक्तिबारे कसैलाई दोष नदिई आफूले माफी मागेको उल्लेख गरेकी छन् ।

‘मैले गरेका टिप्पणीहरू कमेडी कार्यक्रममा गरिएका थिए र ती टिप्पणीहरूलई कहिल्यै गम्भीरतापूर्वक लिइने अपेक्षा थिएन। उहाँको बौद्धिकताबाट प्रेरित मैले हाम्रा महानायकको बारेमा, उहाँको महान कार्य र योगदानहरूको बारेमा पनि धेरै राम्रा कुराहरू भनेकी थिएँ। तर, मेरै दुर्भाग्यवश ती अभिव्यक्तिहरू डिजिटल तारहरूबीच कहीँ कतै हराए’ उनले लेखेकी छन् । 

बोलेको वाक्यंशमा कुनै बहाना नबनाई मनदेखि नै माफी मागेको बताएकी छन् । उनले भनेकी भनेकी छन्, ‘उनले अगाडि लेखेकी छन्, ‘अरु कसैलाई दोष नदिई, कुनै बहाना नबनाउँदै म मन देखि माफी माग्दछु। आखिर शब्द मेरै हुन्, मैले भनेको कुराको लागि म आफैँ माफी माग्दछु ।’