अर्थतन्त्रमा देखिएको संकट समाधान गर्न समय लाग्छः अर्थमन्त्री

२८ असोज, काठमाडौं । अर्थमन्त्री डा. प्रकाशशरण महतले अर्थतन्त्रमा देखिएका समस्या पूर्णरुपमा समाधान गर्न अहिल्यै संभव नभएको बताएका छन् । उनले समस्या समाधान हुन समय लाग्ने बताए । 

मोरोक्कोको माराकेशमा सम्पन्न विश्वबैंक र अन्तर्राष्ट्रिय मुद्रा कोर्ष (आईएमएफ)को संयुक्त वार्षिक बैठकमा सहभागी भई आज स्वदेश फर्किएका छन् । फर्किने क्रममा अर्थतन्त्री महतले त्रिभुवन अन्तर्राष्ट्रिय विमानस्थलमा आयोजित पत्रकार सम्मेलनमा मन्त्री डा. महतले अर्थतन्त्रमा लामो समयदेखि देखिएको समस्या पूर्ववत् अवस्थामा फर्काउन समय लाग्ने बताए । उनले अर्थतन्त्रमा सुधारका कामहरु भइरहेको र सामान्य अवस्थामा ल्याउन सरकारले निरन्तररूपमा याेजनासहित काम गरिरहेको उनले बताए । 

उनले मारोक्कोको वार्षिक बैठकहरुको साइडलाइनमा सहभागीबीच सामूहिक तथा द्विपक्षीय हितका विषयमा छलफल भएको र यसबाट अन्तर्राष्ट्रिय समुदायसँगको सञ्जालमा जोडिने अवसर प्राप्त भएको दाबी गरे । 

अर्थमन्त्री विश्व बैंक र नेपाल राष्ट्र बैकका गभर्नर आइएमएफको पदेन गभर्नर, अर्थ सचिव विश्वबैंकको वैकल्पिक गभर्नर र अन्तर्राष्ट्रिय आर्थिक सहायता समन्वय महाशाखाका सहसचिव आइएमएफको वैकल्पिक गभर्नर रहने व्यवस्था छ ।

मन्त्री डा. महत बैठकमा सहभागी हुन गत साता नेपाली टोलीको प्रतिनिधित्व गर्दै मोरक्को गएका थिए ।