नेकपाद्वारा भूकम्पपीडित र इजरायलमा ज्यान गुमाएकाका परिवारलाई आर्थिक सहयोग

२८ असोज, कठामाडौं । नेपाल कम्युनिस्ट पार्टी (नेकपा)ले बझाङका भूकम्पपीडित र इजरालयमा ज्यान गुमाएकाका परिवारलाई आर्थिक सहयोग प्रदान गरेको छ । आइतबार बिहान बझाङ जयपृथ्वी नगरपालिका–११ का धनलाल नेपालीको घर परिवारलाई नेकपाका महासचिव नेत्रविक्रम चन्द ‘विप्लव’ले आर्थिक सहयोग प्रदान गरेका छन् । 

उनले पीडित परिवारका सदस्यहरुसँग भेट गरी सहयोग राहत सामाग्री र रकम प्रदान गर्नूका साथै संवेदना प्रकट गरेका छन् । हालै गएको ६ दशमलब ५ म्याग्निच्युडको भूकम्पबाट दर्जनौ स्थानीय घरविहीन बन्न पुगेका छन् ।

यस्तै, सुदूरपश्चिम विश्वविद्यालयमा कृषि कार्यक्रम अध्ययन गरिरहेका बझाङ लगायत विभिन्न जिल्लाका विद्यार्थी इन्टर्न कोर्षका लागि इजरायल पुगेका बेला गत हप्ता इजरायल र प्यालेस्टाइनको विवादस्पद क्षेत्र गाजामा प्यालेस्टाइनी हमास समूहद्वारा भएको बम हमलामा १० जनाको ज्यान गएको थियो । साेक्रममा  धनलाल नेपालीकाे ज्यान गएकाे थियाे । उनीहरुको शव अझै स्वेदश ल्याउन सकेको छैन ।