काठमाडाैं उपत्यकामा दशैंका च्याङग्रा-भेडाकाे बिक्री सुरु, खाद्यको खसी-बोका भोलिदेखि

२८ असोज, काठमाडौं । यस वर्षको दशैंका लागि काठमाडाैं उपत्यकामा च्याङ्ग्रा भित्रिन थालेका छन् । मनाङ र सिन्धुपाल्चोकको तातोपानी क्षेत्र लगायतका जिल्लाबाट उपत्यकामा आजदेखि खसी बोकासहित च्याङ्ग्रा भित्रिन थालेका हुन् ।

व्यापारीले अहिले जिउँदो च्याङ्ग्रा प्रतिकेजी १२ सय ५० मा बिक्री भइरहेको बताएका छन् ।  उनीहरूले भक्तपुरकाे सल्लाघारीस्थित तीनकुने चाैरबाट बिक्री गरिरहेका छन् ।

यस्तै, सरकार स्वामित्वको खाद्य व्यवस्था तथा व्यापार कम्पनी लिमिटेडले ल्याउने खसी–बोका भोलि सोमबार काठमाडौं भित्रिने जनाइएको छ । खाद्यले च्याङग्रा नल्याउने भएपछि मूल्य महंगिएको हो ।

दशैंमा मासु खपत बढी हुने गरेका कारण व्यापारीहरुले विभिन्न जिल्लाबाट काठमाडौं उपत्यकामा वर्षेनि खसी–बोका, च्याङग्राको खुला व्यापार गर्ने गरेका छन् ।