दशैंका लागि उपत्यकामा ल्याइएका खसी-बोका स्वस्थ भए नभएको जाँच गरिँदै
नेपालबहस संवाददाता
असोज २८, २०८० आइतबार १४:२१:२६
२८ असोज, काठमाडौं । दशैंका लागि काठमाडौं उपत्यकामा भित्रिएका खसी–बोकाको स्वास्थ्य परीक्षण सुरु भएको छ । कागेश्वरी मनोहरा नगरपालिकाले उपत्यका बाहिरबाट नगरपालिका क्षेत्रभित्र भित्रिएका खसी–बोकाको स्वास्थ्य जाँच गर्न थालेको हाे ।
घटस्थापनादेखि नवमीको दिनसम्म रोगी र निरोगी खसीबोका छुट्याउने काम हुने नगरपालिकाका पशु सेवा प्राविधिक शाखाले जनाएको छ । शाखाले केन्द्रीय पशु सेवा विभाग र पशु क्वारेन्टाइन बुढानिलकण्ठसँगको सहकार्यमा नगरपालिकाले खसीबजारमा गएर जिउँदो खसीको स्वास्थ्य परीक्षण गर्न थालेको हो ।
शाखाका अनुसार ज्वरो नाप गरिने र बिरामी खसी बोकालाई रातो चिन्ह लगाएर छुट्याउने गरिएको छ । परीक्षणले रेविज लगायत पशुबाट पनि मानिसमा केही रोग सर्न सक्ने जोखिम समेत कम गराउने शाखाको दाबी छ ।
शाखाले वडा नम्बर ६ मुलपानी क्षेत्रका खसीबजारमा आइतबार व्यापारीहरुले बिक्रीका लागि राखेका खसीबोकाको स्वास्थ्य परीक्षण गरेको छ । दशैंमा बिक्री गर्न व्यापारीहरुले सिन्धुपाल्चाेक, दाेलखा, रसुवा लगायत जिल्लाबाट खसी, बाेका, च्याङग्रा उपत्यकाका भक्तपुर, ललितपुर, काठमाडाैंका विभिन्न स्थानमा ल्याइपुर्याएका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसंविधान जारी भएपछि प्रदेशमा थुप्रै उपलब्धिहरू भएका छन् : मुख्यमन्त्री लामा
असोज ४, २०८१ शुक्रबार
बागमतीमा लगानी विस्तार गर्न मन्त्री काफ्लेको आग्रह
असोज ३, २०८१ बिहिबार
संविधानको मर्मलाई राजनीतिक दलले आत्मसात गरेर अघि बढ्नुपर्छः प्रदेश प्रमुख देवकोटा
असोज ३, २०८१ बिहिबार
स्थगित भयो पत्रकार महासंघको निर्वाचन
असोज ४, २०८१ शुक्रबार
अस्ट्रेलिया र बेल्जियमका लागि प्रस्तावित राजदूतविरुद्ध उजुरी दिन आह्वान
असोज ४, २०८१ शुक्रबार
तनहुँमा पनि स्ट्रबेरीखेती
असोज ४, २०८१ शुक्रबार
हुम्लामा खाद्यान्नमा सहुलियत, प्रतिकेजी रु पाँच छुट
असोज ४, २०८१ शुक्रबार
अखिल (क्रान्तिकारी) को २३ औं राष्ट्रिय सम्मेलन असोज १० देखि काठमाडौंमा
असोज ४, २०८१ शुक्रबार
संविधान जारी भएपछि प्रदेशमा थुप्रै उपलब्धिहरू भएका छन् : मुख्यमन्त्री लामा
असोज ४, २०८१ शुक्रबार