बलात्कारकाे आराेपमा झापा प्रहरीले लियाे २ आरोपीलाई नियन्त्रणमा

२८ असोज, काठमाडौं । एक महिलालार्य बलात्कार आरोपमा झापा प्रहरीले दुई जनालाई पक्राउ गरेको छ । पक्राउ पर्नेमा मेचिनगर नगरपालिका–११ बाँसबारीका २६ वर्षीय करण कुवँर रहेको प्रहरीले जनाएको छ । उनमाथि स्थानीय एक ४५ वर्षीया महिलालाई बलात्कार गरेको आरोप छ ।

पीडित महिलाको उजुरीका आधारमा पक्राउ गरिएको प्रहरीको भनाइ छ । उनलाई ईलाका प्रहरी कार्यालय धुलाबारीबाट खटिएको प्रहरीले उनलाई पक्राउ गरेको हो ।

यसैगरी, झापामा नै १५ वर्षीया किशोरीलाई जबरजस्ती करणी गरेको अभियोगमा एक युवक पक्राउ परेका छन् । धनकुटा महालक्ष्मी नगरपालिका–६ घर भई हाल झापा बिर्तामोड नगरपालिका–६ श्यालडाँगी बस्ने २७ वर्षीय प्रकाश तामाङलाई प्रहरीले पक्राउ गरेको हो । 

तामाङले ती किशोरीलाई जबरजस्ती करणी गरेको भन्ने उजुरीको आधारमा ईलाका प्रहरी कार्यालय अनारमनीबाट खटिएको प्रहरी टोलीले उनलाई पक्राउ गरेको हो । उनीहरुमाथि आवश्यक अनुसन्धान भइरहेको झापा प्रहरीले जनाएको छ ।