गोरखामा सडेको अवस्थामा घरभित्र पुरुषको शव फेला

२९ असोज, काठमाडौं । गोरखाको पालुङटार नगरपालिका–३ आँपपिलस्थित पाथीभरामा एक पुरुषको शव सडेको अवस्थामा फेला परेको छ । स्थानीय ५२ वषीृय गोविन्द बानियाँको शव सडेर दुर्गन्ध फैलिएको अवस्थामा आफ्नै घरभित्र फेला परेको हो । 

घरवरिपरि दुर्गन्ध फैलिएपछि छिमेकीले प्रहरीलाई खबर गरेका थिए । खबरपछि पुगेको प्रहरी टोलीले ढोका बन्द रहेको अवस्थामा घरमा हेर्दा कुहिएको अवस्थामा बानियाँको शव फेला परेको प्रहरीले जनाएको छ । शवमा किरा समेत परेको छ । बानियाँ उक्त घरमा एक्लै बस्दै आएका थिए ।

घटना शंकास्पद नदेखिएको र आफन्तले शव बुझेको प्रहरीले जनाएको छ ।