प्रहरीमा इमान्दार र कर्तव्यनिष्ठाले सुशासन संभव : गृहमन्त्री श्रेष्ठ

२९ असोज, कठमाडौं ।  उपप्रधानमन्त्री एवं गृहमन्त्री नारायणकाजी श्रेष्ठले प्रहरीले कर्तव्यबोध गरेर इमान्दार र निष्ठावान बन्न सके मात्र मुलुकमा सुशासन कायम हुन सक्ने बताएका छन् ।

उनले मुलुकको समृद्धि, समुन्नति र सुशासनका सरकारले काम गरिरहेको बताउँदै सफलता हासिल गर्न आन्तरिक सुरक्षा व्यवस्था सुदृढ हुनु अत्यन्त जरूरी रहेको बताए । 

६८ औँ प्रहरी दिवसको अवसरमा सोमबार नेपाल प्रहरी प्रधान कार्यालय नक्सालमा आयोजित श्रद्धाञ्जली समारोहलाई सम्बोधन गर्दै मन्त्री श्रेष्ठले प्रहरी कर्मचारीलाई कर्तव्यमा दृढतासाथ लाग्न निर्देशन समेत दिए । उनले समाजिक सदभाव खलबल्याउने गतिवधि चलाउनेविरुद्ध कडा रुपमा प्रस्तुत हुन समेत निर्देशन दिए ।

मन्त्री श्रेष्ठले अमर प्रहरीका शालिकमा माल्यापर्ण गरेका थिए ।