राष्ट्रपति पौडेलसमक्ष विभिन्न जातिका आयोगद्वारा वार्षिक प्रतिवेदन पेस

२९ असोज, काठमाडौं । सोमबार राष्ट्रिपति रामचन्द्र पौडेलसमक्ष विभिन्न जातिका आयोगहरुले आफ्नो वार्षिक प्रतिवेदन पेस गरेका छन् । सोही क्रममा मुस्लिम आयोगले राष्ट्रपति रामचन्द्र पौडेललेसमक्ष आफ्नो वार्षिक प्रतिवेदन पेस गरयो । 

राष्ट्रपति भवन शीतल निवासमा आयोजित एक कार्यक्रममा आयोगका अध्यक्ष समीम मियाँ अन्सारीले सो प्रतिवेदन पेस गरेका हुन् । प्रतिवेदनमा आयोगको गतिविधि, कारवाही र मुस्लिम समुदायको अवस्था लगायत विषय समेटिएको छ । 

प्रतिवेदन बुझ्दै राष्ट्रपति पौडेलले नेपाल बहुजातीय, बहुभाषिक तथा बहुसांंस्कृतिक  मुलुक भएकाले सबै जाति, भाषा, संस्कृति र समुदायका बीचमा सहअस्तित्वका आधारमा आपसी सदभाव कायम राख्न मुस्लिम आयोग जस्ता आयोगको भूमिका महत्त्वपूर्ण सावित हुने बताए । उनले मुस्लिम समुदायको हक अधिकार संरक्षणमा गहन दायित्व रहेको बताउँदै आयोगले आफ्नो संवैधानिक र कानुनी दायित्व पूरा गर्ने विश्वा। व्यक्त गरे ।

आजै राष्ट्रपति पौडेललाई आदिवासी जनजाति आयोग र थारु आयोगले पनि आफ्नो वार्षिक प्रतिवेदन बुझाएका छन् । विभिन्न समूदाय र क्षेत्रमा काम गर्ने गरी हाल दर्जन भन्दा बढी आयोग संचालनमा छन् । आयोगलाई संवैधानिक निकायको रुपमा व्याख्या गरिएको छ ।