दुई महिनामा भित्रियो २ खर्ब २८ अर्ब रेमिट्यान्स

३० असोज, काठमाडौं । चालु आर्थिक वर्षको पहिलो दुई महिना अर्थात साउन र भदौ महिनामा २ खर्ब २८ अर्ब रुपैयाँ करोड रुपैयाँ विदेशी विप्रेषण आप्रवाह (रेमिट्यान्स) भित्रिएको नेपाल राष्ट्र बैंकले जनाएको छ । 

मंगलबार चालु आर्थिक वर्षको दुई महिनाको तथ्याङ्कमा आधारित सार्वजनिक गरेकाे रिपोर्टमा यस्ताे जनाएकाे छ । रिपाेर्टमा दुई महिनाको तथ्याङ्कमा आधारित देशको वर्तमान आर्थिक तथा वित्तीय स्थिति समेटिएकाे छ । यो दर गत वर्षको तुलनामा ११.३ प्रतिशतले बढी हो । वृद्धि हुनुमा अमेरिकी डलको भाउ बढ्नु मुख्य कारण रहेको जनाइएको छ ।

यसैगरी सोही अवधिमा वैदेशिक रोजगारीका लागि अन्तिम श्रम स्वीकृति (संस्थागत तथा व्यक्तिगत–नयाँ( लिने नेपालीको सङ्ख्या २८.३ प्रतिशतले कमी आई ७४,४५५ कायम भएको जनाइएको छ । 

वैदेशिक रोजगारीका लागि पुनः श्रम स्वीकृति लिने नेपालीको सङ्ख्या सोही अवधिमा १८.३ प्रतिशतले कमी आई ३२००४ कायम भएको छ । यो दर अघिल्लो वर्षको सोही अवधिका तुलनामा निकै कम हो । 

चालु आवमा खुद ट्रान्सफर २१.९ प्रतिशतले वृद्धि भई रु. २ खर्ब ५१ अर्ब ६१ करोड पुगेको छ । अघिल्लो वर्षको तुलनामा यो अवस्था १९.५ प्रतिशतले बढी थियो ।