बडादशैंमा नेपाल लाइफको टिकटक प्रतिस्पर्धा : तिमी यो दशैंमा के गर्छौ ?

२ कात्तिक, काठमाडौं । नेपाल लाइफ इन्स्योरेन्सले ‘तिमी यो दशैंमा के गर्छौ ?’ टिकटक प्रतिस्पर्धा आयोजना गरेको छ ।​ बडादशैंको विशेष अवसर पारेर हरेक नेपालीको उत्साहमा उमङ्ग थप्न टिकटक प्रतिस्पर्धाको आयोजना गरिएको कम्पनीले जनाएको छ ।

यस प्रतिस्पर्धा भाग लिन प्रतिस्पर्धीहरूले आ–आफ्नो रचना प्रस्तुत गर्नुपर्ने हुन्छ । जसका लागि कम्पनीले सार्वजनिक गरेको ‘तिमी यो दशैंमा के गर्छौ ? ’ नामक यस टिकटकको जिङ्गल भिडियो बनाउनुपर्ने कम्पनीले जनाएको छ ।

 कम्पनीका अनुसार हरेक रचना तथा आउने लाइक, भ्युज र कमेन्टको आधारमा उत्कृष्ट ३ प्रतिस्पर्धीहरू छनोट गरी प्रथम, द्वितीय र तृतीय श्रेणीमा वर्गीकरण गरेर विजेता घोषणा गरिनेछ ।
 
प्रथम हुनेलाई नगद रु। तीस हजार, द्वितीयलाई रु। बीस  हजार र तृतीयलाई रु। दश हजार पुरस्कार प्रदान गरिने कम्पनीले जनाएको छ । यस टिकटक प्रतिस्पर्धामा देशैभरबाट इच्छुक सबैले यही कात्तिक १ गतेदेखि १५ गतेसम्म सहभागी हुन सकिनेछ । दशैंले ल्याएको उत्साहसँगै कम्पनीले ल्याएको यस मनोरञ्जनात्मक कार्यक्रममा उल्लेख्य सहभागिताको रहने कम्पनीको विश्वास छ ।

कम्पनीका प्रमुख कार्यकारी अधिकृत प्रवीणरमण पराजुलीले बडादशैं २०८० को पावन अवसरमा आयोजित यस प्रतियोगितामा सहभागी हुन आग्रह गरेका छन् । कम्पनीले आगामी दिनमा समेत यस्ता कार्यक्रमहरू आयोजना गर्ने उनको भनाइ छ ।