नेपाली सेनाको सलामीसहित दशैंघरमा फुलपाती भित्राइयो [ फोटोफिचर ]

 

४ कात्तिक, काठमाडौं । पाल्पाको तानसेनस्थित ऐतिहासिक दशैंघर, निसान भगवती लगायत कोतघर, देवीका मन्दिरमा शनिबार फुलपाती भित्राइएको छ । तत्कालीन पश्चिम जनरल कर्नेल उजीरसिंह थापाले पाल्पाको तानसेनमा स्थापना गरेको दशैंघरमा परम्परा धान्दै नेपाली सेनाको सलामीसहित फुलपाती भित्राइएको हो । 

पाल्पा दरबार परिसरमा रहेको दशैंघरवाट बाजागाजा सहित फुलपाती लिन नेपाली सेनाको नागपोखरीस्थित नेपाली सेनाको दि फेमस महिन्द्रदल गण टुंडिखेल गएका थिए । सैनिक, प्रहरी, सलामी दिएर दशैंघरमा पुजाआजासहित फुलपाती ल्याएर भित्रायाउने चलन रहेको छ ।

 तानसेन बजारको पाल्पा दरबार परिसरमा स्थापना गरेको दसैघरमा रहेको कोतघरमा भगवतीको सलामीसहित घटस्थापनादेखि दैनिक पुजा गर्ने परम्परा छ ।