दशैंको टीका–जमरा आज पनि लगाइँदै

९ कात्तिक, काठमाडौं  ।  दशैंको मुख्य दिन टीका तथा जमरा लगाउन छुटेकाहरुले आज मान्यजनबाट आशीर्वाद थाप्दै छन् ।  देशका अधिकासं ठाउँमा मुख्य दिन टीका लगाउन नभ्याउनेहरूले आज पनि मान्यजनबाट टीका ग्रहण गरेर आशीर्वाद थाप्ने चलन छ ।

टाढाटाढा जानुपर्ने र माइत, ससुराल तथा मावली टाढा हुनेहरूले कोजाग्रत पूर्णिमासम्म टीका लगाउने परम्परा भएपनि, नेपालको पश्चिमका केही जिल्लामा भने विजया दशमीको एक दिन मात्र टीका थाप्ने चलन छ । अरु भू–भागमा भने दशमीदेखि पूर्णिमाका दिनसम्मै टीका थाप्ने चलन छ ।