यस्तो देखियो सानेपामा कांग्रेसको चियापान (फोटोफिचर)

११ कात्तिक, काठमाडौं । आज कोजाग्रत पूर्णिमाका दिन नेपाली कांग्रेसले पार्टी कार्यलय सानेपामा शुभकामना आदादान तथा चियापान कार्यक्रम आयोजना गरेको छ । चियापान कार्यक्रममा नेकपा माओवादी केन्द्रका अध्यक्ष एवम् प्रधानमन्त्री पुष्पकमल दाहाल प्रचण्ड, नेताहरु जनार्दन शर्मा, अग्नि सापकोटा,  लगायतका नेताहरु सहभागी भएका थिए । 

यस्तै नेकपा एमाले अध्यक्ष केपी शर्मा ओलीको नेतृत्वमा नेताहरु सहभागी भएका थिए । कार्यक्रममा एमाले अध्यक्ष ओली, नेताहरु विष्णु पौडेल, विष्णु रिमाल, ईश्वर पोखरेल, रघुजी पन्त, छबिलाल विश्वकर्मा लगायतका नेताहरु सहभागी भएका थिए ।   

कार्यक्रममा नेकपा एकीकृत समाजवादी अध्यक्ष माधवकुमार नेपालको नेतृत्वमा नेताहरु सहभागी भएका थिए । एकीकृत समाजवादीका नेता घनश्याम भुसाल लगायतका नेताहरु कार्यक्रममा सहभागी भएका छन् । त्यस्तै सभामुख देवराज घिमिरे, रास्वपाका सभापति रवि लामिछाने, पूर्वसभामुख दमननाथ ढुंगाना लगायतका नेताहरु पनि कार्यक्रममा सहभागी भएका थिए ।  

कांग्रेसले पार्टी केन्द्रीय कार्यालय सानेपामा बडादसैँ, तिहार, नेपाल संवत् र छठलगायतका पर्वका अवसरमा  चियापान कार्यक्रममा सरकारका मन्त्रीहरु, संवैधानिक निकायका प्रमुख, कूटनीतिक नियाोगका प्रमुख लगायतको उपस्थिति रहेको थियो । चियापान साँझ ५ बजेसम्म चल्नेछ ।