एभरेस्ट बैंकका अध्यक्ष विष्णुकृष्ण 'बिके' श्रेष्ठको निधन

१२ कात्तिक, काठमाडौं । एभरेस्ट बैंकका अध्यक्ष विष्णुकृष्ण 'बिके' श्रेष्ठको निधन भएको छ। श्रेष्ठको ९४ बर्षको उमेरमा काठमाडौंको मेडिसिटी अस्पतालमा उपचारको क्रममा मृत्यु भएको हो। 

उनको पहलमा भारतको पञ्जाब नेसनल बैंकले सहकार्यमा नेपालमा एभरेस्टमा बैंक स्थापना भएको हो। श्रेष्ठ साढे २ दशकदेखि एभरेष्ट बैंकको अध्यक्ष थिए। 
 
एभरेस्टमा बिके श्रेष्ठसहित उनको परिवारको बैंकमा सबैभन्दा बढी स्वामित्व छ। उनको छिमेकी भारतमा ठूलो व्यवसाय रहेको छ। गत असोज ३० गतेको बैंकको २९ औं वार्षिक साधारणसभाले उनलाई अध्यक्ष चयन गरेको थियो।

स्व। श्रेष्ठका २ छोरी र एक छोरा रहेका छन्। २०५४ सालदेखि श्रेष्ठले एभरेस्ट बैंकको अध्यक्षको जिम्मेवारी सम्हाल्दै आएका थिए। ललितपुरमा जन्मिएका श्रेष्ठले अमेरिकाबाट एमबिएसम्मको अध्ययन गरेका थिए।