गोठाटारमा गोली हानेर दुई जनालाई नियन्त्रणमा लिइयो

१५ कात्तिक, काठमाडौं । काठमाडौंको गोठाटारमा प्रहरीले गोली चलाएर दुइ जनालाई नियन्त्रणमा लिएको छ । उपत्यका अपराध अनुसन्धान कार्यालयको टोलीले गोली हानेर दुईजनालाई नियन्त्रणमा लिएको हो । उनीहरु लागुऔषध प्रयोगकर्ता भएको बताइएको छ । लागुऔषको कारावार भइरहेको सूचनाका आधारमा त्यहाँ पुगेको प्रहरी टोलीमाथि आक्रमण गरेपछि गोली चलाइएको हो । 

गोली लागेका व्यक्ति भारतको पश्चिमबंगालका मोहम्मद करिम रहेका अपराध महाशाखाका एसपी रवीन्द्र रेग्मीले बताए । प्रहरीका अनुसार नियन्त्रणमा लिइएका अर्का व्यक्ति झापाका हर्क लिम्बू रहेका छन् । प्रहरीले नियन्त्रणमा लिएका व्यक्ति लागुऔषध कारोबारी रहेको खुलेको छ ।