चालु संसद अधिवेशन अन्त्य गर्ने सरकारको निर्णय

१६ कात्तिक, काठमाडौं । सरकारले बिहीबार मध्य रातिबाट संसद्को चालु अधिवेशन अन्त्य गर्ने निर्णय गरेको छ । बिहीबार विहान बसेको मन्त्रिपरिषद् बैठकले चालु संसद् अधिवेशन अन्त्य गर्न राष्ट्रपति रामचन्द्र पौडेलसमक्ष सिफारिस गर्ने निर्णय गरेको हो । 

मन्त्रिपरिषद्को सिफारिसमा राष्ट्रपतिले संसद् अधिवेशन अन्त्य गर्ने व्यवस्था छ । आज मध्यराति १२ बजेदेखि संसद्को चालु अधिवेशन अन्त्य गर्ने निर्णय गरिएको मन्त्री डिगबहादुर लिम्बूले नेपालबहसलाई जानकारी दिए ।

यो अधिवेशनमा पनि महत्वपूर्ण विधेयकहरु पारित हुन सकेनन् । टीआरसी, सम्पति शुद्धीकरणलगायतका महत्वपूण विधेयकहरु संसदमा विचारधीन छन् । केहि विधेयकलाई विषयगत समितिमा पठाउने तयारी गरिएको छ । समितिले विधेयकमाथि छलफल गरेपछि अर्को अधिवेशनमा ति विधेयहरु पारित हुनेछन् ।