अदालतले रिगललाई जिल्ला कारागार बाँकेमा पठायो

१७ कात्तिक, बाँके । रिगल भनिने योगराज ढकाल कारागार चलान भएका छन् । प्रहरीले अदालतको आदेशमा बाँकी कैद भुक्तानका लागि कारागार लगेको हो । 

सर्वोच्च अदालतको फैसलालगत्तै नेपालगञ्जबाट पक्राउ परेका रिगललाई प्रहरीले आज बाँके जिल्ला अदातमा उपस्थित गरापछि जिल्ला अदालत बाँकेले रिगललाई बाँकी कैद भुक्तानका लागि जिल्ला कारागार पठाएको हो ।

संविधान दिवसको अवसरमा सरकारको सिफारिसमा रिगलले राष्ट्रपतिबाट आममाफी पाएका थिए । उनको आममाफीविरुद्ध रिट निवेदन लिएर भारती मानन्धर सर्वोच्च गएकी थिइन् । उक्त रिट निवेदनको सुनुवाइ गर्दैै सर्वोच्चको पूर्णइजलासले रिगलको आममाफी बदर गरिदिएको थियो ।