पञ्चकन्या ग्रुपको वार्षिकोत्सवमा निःशुल्क स्वास्थ्य शिविर

१७ कात्तिक, काठमाडौं । विगत वर्षहरूमा झैं यस वर्ष पनि पञ्चकन्या ग्रुपले आफ्नो ५१ औं वार्षिकोत्सवका अवसरमा निःशुल्क स्वास्थ्य शिविर सम्पन्न गरेको छ ।  
 
शुक्रबार मेडिकल कलेज (केएमसी), सिनामंगल, काठमाडौंको प्राविधिक सहयोगमा निःशुल्क स्वास्थ्य शिविरको आयोजना गरेको पञ्चकन्या ग्रुपले जनाएको छ । उक्त शिविरमा नाक, कान, घाटी, आँखा, दन्त सेवा, स्त्री रोग, मुटु रोगको परीक्षण अन्तर्गत इसिजी तथा इको, बाल रोग, शल्यक्रिया, हाडजोर्नी तथा नशा र सामान्य स्वास्थ्य जा“च गरिएको थियो । 

उक्त शिविरबाट २९४ जनाले लाभ लिएकाे पञ्चकन्या ग्रुपले जनाएकाे छ। पञ्चकन्या ग्रुपले आफ्नो सामाजिक उत्तरदायित्त्व अन्तर्गत यस्ता कार्यक्रमहरु नियमित रुपमा सञ्चालन गर्दै आएको र ग्रुपले यस प्रकारका कार्यहरुलाई मुख्य प्राथमिकतामा राखेको छ ।