गृह मन्त्रालयमा सरोकारवालाको आकस्मिक बैठक

१८ कात्तिक, काठमाडौं । जाजरकोट र पश्चिम रुकुम र आसपासको क्षेत्रमा गएको भुकम्पपछिको राहत, उद्धार र पुनर्स्थापनाबारे छलफल गर्न गृह मन्त्रालयमा सरोकारवालाहरुको बैठक सुरु भएको छ ।
 
भूकम्प प्रभावित क्षेत्रमा छिटो उद्धार र राहतको व्यवस्था गर्न उपप्रधान तथा गृहमन्त्री नारायण काजी श्रेष्ठको नेतृत्वमा बैठक डाकिएको हो । 

बैठकमा प्रधानमन्त्री कार्यालय, सुरक्षा निकायका प्रमुखहरु, स्वास्थ्य मन्त्रालय, संघीय मामिला मन्त्रालय, परराष्ट्र मन्त्रालय, भौतिक पूर्वाधार तथा यातायात मन्त्रालय र नेपाली सेनाका प्रतिनिधिहरु उपस्थित रहेको श्रेष्ठको सचिवालयले जनाएको छ । 

गए राति जाजरकोटमा केन्द्रविन्दु भएको गएको ६.४ म्याग्निच्युडको भुकम्पले संरचनाहरू भत्किँदा ठूलो जनधनको क्षति भएको छ ।