उद्धार र राहतमा सबै संयन्त्र परिचालन गरिन्छः प्रधानमन्त्री

१८ कात्तिक, जाजरकोट । प्रधानमन्त्री पुष्पकमल दाहाल प्रचण्डले भुकम्पपछि गर्नुपर्ने पहिलो कार्य रात र उद्धार भएको भन्दै यसका लागि सरकारले सबै संयन्त्रहरुको प्रयोग गर्ने बताएका छन् । भूकम्प प्रभावित क्षेत्र जाजरकोट पुगेका प्रधानमन्त्री प्रचण्ड घाइतेलाई भेटेर यति बेला रुकुम पश्चिम फर्किएका छन् ।

जाजरकोटको खलंगास्थित जिल्ला अस्पतालमा पुगेर प्रधानमन्त्री प्रचण्डले घाइतेहरूलाई राहत र उद्धारमा कमी नहुने बताए । नेपाली सेनाका १६ जनाको मेडिकल टिमसहित पुगेका उनले डाक्टर र औषधी लिएर आएको बताउँदै घाइते र आफन्तलाई चिन्ता नलिन आग्रह गरे । 

सरकार छ, सरकारले सबै संयन्त्र प्रयोग गर्छ नआत्तिनु, डाक्टर र औषधि लिएका आएको प्रचण्डले भने  उपचारमा समस्या हुँदैन छिट्टै निको हुन्छ । चिन्ता नलिनु । प्रधानमन्त्रीसहित पूर्वगृहमन्त्री द्वय जनार्दन शर्मा र शक्तिबहादुर बस्नेत र प्रदेश सांसद राजीवविक्रम शाह निरीक्षणमा निस्किएका छन् ।