उद्धार र राहतका लागि कांग्रेसले दियो ५० लाख नगद

१८ कात्तिक, काठमाडौं । नेपाली कांग्रेसले जाजरकोट र रुकुम पश्चिम केन्द्र विन्दु बनाएर गएको भूकम्प पीडितहरुको उद्धार, राहत र पुनःस्थापनाका लागि ५० लाख रूपैयाँ नेपाल सरकारलाई उपलब्ध गराउने भएको छ ।  

मुख्षसचिव कृष्ण पौडेलले शनिबार विज्ञप्ति जारी गर्दै उक्त जानकारी दिएका हुन् । विज्ञप्तिमार्फत कांग्रेसले स्वदेश र विदेशमा रहेका सबैलाई तन, मन र धनका साथ खुला हृदयले मानवीय सेवाको अभियानमा जुट्न अपिल गरेको छ ।