जाजरकोट भूकम्प : अमेरीकी दूतावासले भन्यो, पुर्ननिर्माणमा सघाउन अमेरीका तत्पर छ

१८ कात्तिक, काठमाडौं । कर्णाली प्रदेशको जाजरकोट जिल्ला रामीडाँडा केन्द्रविन्दु भएर गएको भुकम्पमा परी ज्यान गुमाएकाहरूप्रति नेपालस्थित अमेरिकी दूतावासले गहिरो दुःख व्यक्त गरेको छ ।

शनिबार दूतावासले सामाजिक सञ्जाल फेसबुकमार्फत दुःख व्यक्त गरेको हो ।  जाजरकोट र रुकुम पश्चिममा भुकम्पले ठूलो मानविय र भौतिक क्षति गरेको छ ।  उक्त घटनाप्रति दुःख व्यक्त गर्दै दूतावासले भुकम्पपछिको पुनर्निर्माणमा नेपाललाई अमेरीकाले सहयोग गर्ने जनाएको छ ।

दूतावासले लेखेको छ, ‘नेपालको जाजरकोट र रुकुम–पश्चिममा गएको भूकम्पमा परी ज्यान गुमाएकाहरूको खबर प्रति नेपालस्थित अमेरिकी दूतावास गहिरो दुःख व्यक्त गर्दछ । यस भुकम्पको क्षतिपछिको पुनर्लाभ हासिल गर्न नेपाललाई आवश्यक सहयोग गर्न अमेरिका तत्पर छ।’