वीरगंजलाई फुटबलको उर्वर भूमी बनाउन महानगर सँधै सहयोग गर्न तयार छ : मेयर सिंह

१८ कात्तिक, वीरगंज । मधेश प्रदेशकै उच्च धनराशिको प्रथम वीरगंज गोल्डकप फुटबल प्रतियोगिता शनिबारदेखि सुरु भएको छ । प्रतियोगिताको उद्घाटन गर्दै वीरगंज महानगरपालिकाका प्रमुख राजेशमान सिंहले वीरगंजमा खेलकुद क्षेत्रलाई चलायमान बनाउन महानर सँधै तयार रहेको बताए । 

वीरगंजलाई विगतको जस्तै फुटबलको उर्वर भूमी बनाउन सबैको साथको खाँचो रहेको बताए। वीरगंजमा राष्ट्रिय, अन्तर्राष्ट्रिय स्तरको फुटबल प्रतियोगिता आयोजना गर्न सक्ने गरि मैदनको पुनस्निर्माण गरिएको भन्दै उहाँले नारायणी रंगशालाको क्रिकेट मैदानलाई पनि व्यवस्थित गर्न महानगर लागि परेको बताए ।

प्रतियोगिताको उद्घाटन खेलमा आयोजक भेट्रान्स सिटी क्लब वीरगंज विजयी भएको छ । भारत नोएडाको एफसीआई नर्थ जोन फुटबल क्लबलाई ट्राइबेकरमा ४(१ ले पराजित गर्दै आयोजक भेट्रान सिटीले जित हात पारेको हो । 

प्रतियोगितामा नेपालका ५ र भारतका २ टिमको सहभागिता रहेको छ । प्रतियोगिताको विजेताले ११ लाख ११ हजार ११ सय रूपैयाँ र उपविजेताले ५ लाख ५५ हजार ५ सय रूपैयाँ पुरस्कार पाउनेछन् ।