प्राधिकरणका आन्दोलनरत कर्मचारी र व्यवस्थापन बीच चारबुँदे सहमति

१९ कात्तिक, काठमाडौं । नेपाल विद्युत प्राधिकरणको व्यवस्थापन र आन्दोलनरत ट्रेड युनियन कर्मचारीबीच चार बुँदे सहमति भएको छ । आइतबार प्राधिकरण कर्मचारी संघ तथा कर्मचारी युनियनबाट संयुक्त रुपमा अघि सारेको मागका विषयमा चार बुँदे सहमति भएको हो ।

व्यवस्थापनबाट भदौ ३० गते भएको सरुवा/काजमा पुनरावलोकन गरी सच्याएर लैजाने सहमति भएको छ । सरुवा भएका कर्मचारीले कर्मचारी सेवा, सर्त विनियमावलीमा भएको व्यवस्थाअनुसार २१ दिनभित्र रमाना लिने सहमति भएको छ ।

विभिन्न सात बुँदे मागका सम्बन्धमा आधिकारिक टे«ड युनियनका प्रतिनिधिसमेत रहने गरी जन साधन विभागको निर्देशकको अध्यक्षतामा पाँच सदस्यीय कमिटी गठन गर्ने र उक्त कमिटीले आवश्यक अध्ययन गरी राय सिफारिससहित कार्यकारी निर्देशक समक्ष प्रतिवेदन पेस गर्ने सहमति भएको छ ।

सहमतिपछि प्राधिकरणका कार्यकारी निर्देशक कुलमान घिसिङले कर्मचारीको व्यवस्थापनमा विशेष ध्यान दिने र जायज मागहरुलाई गम्भीरतापूर्वक लिएको जानकारी दिए । सहमतिसँगै आधिकारिक तथा क्रियाशील टे«ेड युनियनले घोषणा गरेका सम्पूर्ण कार्यक्रमहरू स्थगन गरिएको छ ।