विमानस्थल जाममा परेपछि आकाशमै होल्ड भए जहाज

२१ कात्तिक, काठमाडौं । सडकमा हुने जाम जस्तै त्रिभुवन अन्तर्राष्ट्रिय विमानस्थल पनि ट्राफिक जाममा परेको छ । विमानस्थलको ट्राफिक चापले गर्दा अवतरणका लागि आएका जहाजहरु आकाशमा लामो समय सम्म होल्ड बस्नुपरेको छ । 

त्रिभुवन अन्तर्राष्ट्रिय विमानस्थलका प्रवक्ता सुवास झाले विमानस्थलमा जहाजहरुको चाप बढेका कारण धेरै जहाजहरु आकाशमै होल्डमा बस्नु परेको बताए । अहिले काठमाडौंमा ट्राफिक चाप छ, जसले गर्दा जहाजहरुको सामान्य उडान अवतरणमा समस्या आइरहेको छ  । 

जाडो मौसममा प्रतिकूल मौसमले उडान अवतरणमा असर पर्ने भएपनि आज भने मौसम सफा रहेको छ सफा मौसम भएपनि विमानस्थलभित्रै जाम परेकाले उड्न लागेका जहाज र अवतरण हुन लागेका जहाजले पनि आकाशमा होल्ड भएर लामो समय बस्नुपर्छ ।