भूकम्पपीडिलाई राहत स्वरुप आइएमई समूहका अध्यक्ष ढकालले बुझाए प्रधानमन्त्रीलाई डेढ करोडको चेक

 २१ कात्तिक, काठमाडौं । आइएमई समूहले जाजरकोट भूकम्पबाट पीडितलाई राहत र पुनःस्थापनाका लागि प्रधानमन्त्री पुष्पकमल दाहाल प्रभण्डलाई १ लाख ५० हजारको चेक हस्तान्तरण गरको छ ।

ग्लोबल आइएमई बैंकका अध्यक्ष चन्द्रप्रसाद ढकालले जाजरकोट र रुकुमपश्चिमलगायतका जिल्लाका भूकम्प प्रभावितका लागि घोषणा गरिएको एक करोड ५० लाख बराबरको चेक मंगलबार आज प्रधानमन्त्री ‘प्रचण्डलाई हस्तान्तरण गरेका हुन् । 

अध्यक्ष ढकालले ग्लोबल आइएमई बैंक लिमिटेड, आइजीआई पु्रडेन्सियल इन्स्योरेन्स, आइएमई लाइफ इन्स्योरेन्स र आइएमई लिमिटेडलगायत आइएमई समुहबाट प्रवद्र्धित कम्पनी तथा आइएमई फाउन्डेसनमार्फत घोषणा गरिएको उक्त सहयोग रकमको चेक प्रधानमन्त्री प्रचण्डलाई हस्तान्तरण गरेका हुन् ।  

सो अवसरमा अर्थमन्त्री डा प्रकाशशरण महत र मुख्यसचिव डा बैकुण्ठ अर्यालसमेत उपस्थित थियो । यसैगरी आइएमई समूहका प्रबन्ध निर्देशक हेमराज ढकाल, ग्लोबल आइएमई बैंकका प्रमुख कार्यकारी अधिकृत रत्नराज बज्राचार्य, आइएमई लिमिटेडका प्रमुख कार्यकारी अधिकृत खिलेन्द्र पौडेल, आइजीआई पु्रडेन्सियल इन्स्योरेन्सका प्रमुख कार्यकारी युगेशभक्त बादे श्रेष्ठ, ग्लोबल आइएमई बैंकका वरिष्ठ नायव प्रमुख कार्यकारी अधिकृत सुरेन्द्रराज रेग्मी, नायव प्रमुख कार्यकारी अधिकृत सुमन पोखरेल लगायतको पनि उपस्थिति थियो । 

आइएमई समूहले भूकम्पका कारण मृत्यु भएका नागरिकप्रति हार्दिक श्रद्धाञ्जली व्यक्त गर्दै शोक सन्तप्त परिवारमा गहिरो समवेदना तथा घाइतेको शीघ्र स्वास्थ्यलाभको कामना गरेको छ । साथै, भूकम्प प्रभावित क्षेत्रमा आइएमई समूह तथा आइएमई फाउन्डेसनले स्थानीय प्रशासनसँगको समन्वयमा थप राहत सहयोग समेत उपलब्ध गराउने प्रतिबद्धता समेत जनाएको छ ।