सत्यनारायण चौधरी महासमिति सदस्यका साझा उम्मेदवार

 यज्ञप्रसाद भट्टराई 

२२ कात्तिक, झापा । दमकमा पचासौ बर्षको संगतमा बालकदेखि बृद्धासम्म सवैले रमाएर लिने नाम हो सत्यनारायण चौधरी । अझ कसैकसैले मायाँले सतनारायण भनेर पनि बोलाउँछन् । दमकमा लामो समयदेखि व्यापार ब्यवसायमा संलग्न चौधरी नेपाली कांग्रेसको पुराना तथा इमानदार नेताका रुपमा चिनिन्छन् ।

नेपाली कांग्रेस झापाले सत्यनारायण चौधरीलाई एक ईमानदार नेताको रुपमा चिन्दछ । पार्टीको १४ औँ महाधिवेशनमा केन्द्रीय सदस्यमा परिवर्तन पक्षधर समुहबाट उम्मेदवार रहेका चौधरीले दमक तथा झापा जिल्लाकै नाम चलेका नेताहरुभन्दा बढी मत ल्याएर उपबिजेता बनेका थिए । चौधरीलाई पार्टीले जिल्ला तथा स्थानीय तहमा हुने  विभिन्न कार्यक्रमहरुमा सदैव सम्मानका साथ सम्झने गर्दछ । जहिले र जहासुकै पार्टीका लागि दिलोज्यान दिने चौधरीलाई झापा जिल्लामा पार्टी भित्रै साझा नेताका रुपमा लिइन्छ ।

बिगतमा मधेसी समुदायको कोटाबाट पार्टी संगठनमा नेतृत्व गर्ने गरेका नेता चौधरी यसपटक मधेसी कोटा हराएपछि अहिले उनि प्रत्यक्ष तर्फको ५ जना प्रत्यक्ष तर्फको खुल्ला सदस्यमा निर्वाचित हुने महासमिति सदस्यमा उम्मेदवार बनेका छन् । जसलाई, जहाँ, जस्तोसुकै समस्यापर्दा सहयोग गर्ने नेता चौधरीलाई सबैको साझा नेताका रुपमा चिनिन्छ ।

पार्टी भित्र कसैलाई अन्याय नगर्ने, पार्टीलाई एकताबद्ध बनाउदै सबल र सक्षम पार्टी संगठन बनाउन सधै कृयाशिल चौधरीलाई  सधै सहयोग मात्रै गरिरहने, पार्टी रुपान्तरण र समयसापेक्ष नेतृत्व परिवर्तन हुनुपर्छ भनेर आवाज उठाउने हक्की स्वभावका धनी, अल्पसंख्यक मधेसी समुदायका एकमात्र प्रतिनिधि, सत्यनारायण चौधरीले यसपटक महासमिति सदस्य बन्ने चाहना सहित उम्मेदवारी दिएका छन् । 

झापा क्षेत्र नं. ५ मा भोलि कार्तिक २३ गते महासमिति सदस्य छनौटको लागि निर्वाचन हुदैछ । त्यसका लागि नेपाली कांग्रेसका नेता, महाधिवेशन प्रतिनिधि सत्यनारायण चौधरीलाई यसपटक झापा क्षेत्र नं. ५ का वडा सभापतिहरु तथा क्षेत्रीय प्रतिनिधिहरुले मायाँ गर्ने अपेक्षा गरिएको छ ।