राष्ट्रपतिको स्वास्थ्य मन्त्रीलाई आग्रह :- भूकम्पमा परी घाइते भएकाको उपचारमा ध्यानु

२२ कात्तिक, काठमाडौं । राष्ट्रपति रामचन्द्र पौडेलले भूकम्पमा परी घाइते भएका जनताको उपचार सेवामा कुनै कसर बाँकी नराख्न स्वास्थ्य मन्त्री मोहनबहादुर बस्नेतलाई निर्देशन दिएका छन् ।

बुधबार राष्ट्रपति भवन शितल निवासमा आफूसँग भेट्न पुगेका मन्त्री बस्नेतसँग राष्ट्रपतिले राजधानी लगायत  देशका विभिन्न अस्पतालमा उपचाररत भूकम्प प्रभावित जनताको अवस्था, उपचार सेवा र सुविधालगायतका विषयमा  जानकारी लिएका थिए ।

राष्ट्रपति पौडेलले उपचार प्रक्रियालाई सहज र प्रभावकारी  सल्लाह दिँदै उनले अस्पतालहरूको स्तरवृद्धि, आधुनिक उपकरण, दक्ष चिकित्सकसहित स्वास्थ्यकर्मीको व्यवस्थापन सहित गुणस्तरीय सेवा प्रवाहका बारेमा मन्त्रीसँग जिज्ञासा राखेका थिए ।  

राष्ट्रपति पौडेलले घाइतेको उपचारमा संवेदनशील बन्न सरकारको तर्फबाट हरसम्भव प्रयास हुनुपर्नेमा जोड दिएका थिए। जाडोयामको प्रारम्भ अन्य रोगको प्रकोप बढ्नसक्ने भएकाले त्यसतर्फ पनि चनाखो हुन राष्ट्रपतिले मन्त्री बस्नेतको ध्यानाकर्षण गराएका थिए।