बेपत्ता १६ वर्षिया ५ किशोरीहरु ढल्केबरमा भेटिए

२३ कात्तिक, जनकपुरधाम । मंगलबारदेखि हराएका एकै उमेर पाँच किशोरी आज फेला परेका छन् । महोत्तरीबाट गत मंगलबारदेखि वेपत्ता भएका पाँच जना किशोरीहरु आज बिहान फेला परेका हुन । उनीहरु धनुषाको ढल्केबरबाट अन्यत्र जान लागेका बेला स्थानीयले फेला पारेका हुन् ।

बाहिर जान लागेका बेला स्थानीयले रोकेर प्रहरीलाई जिम्मा लगाएका छन् । अहिले उनीहरूलाई इलाका प्रहरी कार्यालय ढल्केबरमा राखिएको छ । अभिभावक बोलाएर जिम्मा लगाइने प्रहरी निरीक्षक राजकिशोर साहले जानकारी दिए ।

महोत्तरीको औरही नगरपालिका–२ की १६ वर्षीया बसन्ती सदा, १६ वर्षीया प्रतिमा सदा, १८ वर्षीया संगीता सदा, १५ वर्षीया राजन सदा र २० वर्षीया रूवी सदा गत मंगलबारदेखि परिवारका सदस्यहरुको सम्पर्कमा थिएनन् ।