बाणिज्य बैंकहरुको मंसिर महिनाको ब्याजदर सार्वजनिक, धेरैले घटाए, केहीको स्थिर

३० कात्तिक, काठमाडौं । वाणिज्य बैंकहरुले मंसिर १ गतेदेखि लागू हुने गरी नयाँ ब्याजदर सार्वजनिक गरेका छन् । मंसिर महिनाका लागि अधिकांश बैंकहरुले ब्याजदर घटाएर सार्वजनिक गरेका छन् । बैंकहरुले गत साउनदेखि भद्र सहमति तोडेपछि ब्याजदर आफ्नै तरिकाले निर्धारण गर्दै आएका छन् ।

बैंकहरुले निक्षेपको ब्याजदर परिर्वतन गर्दा औसत १० प्रतिशत विन्दुले घटाउन वा बढाउन सक्ने व्यवस्था छ । यही व्यवस्था अनुसार वाणिज्य बैंकहरुले मंसिरका लागि नयाँ ब्याजदर निर्धारण गरेका हुन् । 

चालू आर्थिक वर्षको पहिलो महिनामै १४ बैंकहरुले निक्षेप ब्याजदर बढाएका थिए भने, चारले घटाए र दुई बैंकले स्थिर राखेका थिए । त्यस्तै, भदौमा १२ वाणिज्य बैंकहरुले निक्षेप ब्याजदर बढाए, ४ वटाले घटाए र ४ बैंकले ब्याजदर स्थिर कायम गरेका थिए । 

कात्तिकमा १४ बैंकहरुले आफ्नो ब्याजदर घटाएका थिए । दुई वटाले बढाएका र ४ वटा बैंकले असोज महिनाकै ब्याजदरलाई निरन्तरता दिएका थिए । हाल बैंकहरुमा पर्याप्त तरलता भएकाले अधिकांश बैंकहरुले ब्याजदर घटाएको बैंकरहरु बताउँछन् । 

मंसिरर महिनाका लागि माछापुच्छ्रे बैंकले मात्रै आफ्नो मुद्दती निक्षेपको ब्याजदर बढाएको छ । जहाँ बैंकले कार्तिक महिनामा ९.९९ प्रतिशत रहेको ब्याजदरलाई ०.६१ प्रतिशतले बढाएर १०.६० प्रतिशत पुर्याएको छ । सबैभन्दा बढी एनआईसी एशिया बैंकले २.०४ प्रतिशतले मुद्दति निक्षेपको ब्याजदर घटाएको छ । सार्वजनिक ब्याजदर अनुसार अधिकांश बैंकको व्यक्तिगत मुद्दति निक्षेपको ब्याजदर कात्तिकको तुलनामा घटेको छ । 

कुल २० वाणिज्य बैंकमध्ये ६ वटा बैंकले ब्याजदर स्थिर राखेका छन् । कुमारी, लक्ष्मी सनराइज, प्राइम कमर्सियल, सिद्धार्थ, सिटिजन्स र नेपाल बैंकको ब्याजदर स्थिर छ । सिटिजन्स बैंकले व्यक्तिगत तर्फ ९.९५ प्रतिशत र संस्थागत तर्फ ७.९५ प्रतिशत तोकेक छ । सिद्धार्थ बैंकले व्यक्तिगत तर्फ ९.९९ प्रतिशत र संस्थागत तर्फ ७.९९ प्रतिशत तोकेको छ । 

यस्तै लक्ष्मी सनराइज बैंकले व्यक्तिगत तर्फ १० प्रतिशत र संस्थागत तर्फ ८ प्रतिशत, कुमारी बैंकले व्यक्तिगत तर्फ १०.०१ प्रतिशत र संस्थागततर्फ ८.०१ प्रतिशत, प्राइम बैंकले व्यक्तिगत तर्फ १०.२५ प्रतिशत र संस्थागत तर्फ ८.२५ प्रतिशत र नेपाल बैंकले व्यक्तिगत तर्फ ९.२२४ प्रतिशत र संस्थागत तर्फ ७.२२४ प्रतिशत ब्याजदर तोकेका छन् । निक्षेप संकलन बढ्दै गएपछि बैंकहरुले ब्याजदर घटाएका हुन् । निक्षेप संकलन बढ्दै गएपछि बैंकहरुले ब्याजदर घटाएका हुन् ।

माछापुच्छ्रे बैंकको मात्र मुद्दति निक्षेपको ब्याजदर बढेको छ । औसतमा २० वाणिज्य बैंकहरुले ०.३३ प्रतिशतले ब्याज घटाएका छन् । कात्तिक महिनामा यी बैंकहरुको औसत ब्याजदर ९.९६ प्रतिशत थियो । अहिले घटेर ९.६३ प्रतिशत कायम भएको छ । यता, सबैभन्दा धेरै एनआइसी एशिया बैंकले ब्याजदर घटाएको छ । 

कात्तिकमा ११ प्रतिशतसम्म ब्याज दिँदै आएको यस बैंकले मंसिरमा भने ८.९६ प्रतिशतसम्म ब्याज दिने भएको छ । एनआईसी एशिया पछि सबैभन्दा बढी ब्याज घटाउनेमा एनएमबि बैंक रहेको छ । बैंकले मंसिर महिनाका लागि ब्याजदर १.२४३ प्रतिशतभन्दा घटाएर ९.७६ प्रतिशतमा झारेको छ ।

ग्लोबल आइएमई बैंकले मंसिरका लागि ०.४ प्रतिशत घटाएर व्यक्तिगत तर्फ ९.६ प्रतिशत र संस्थागत तर्फ ७.६ प्रतिशत प्रदान गर्ने जनाएको छ । यसअघि बैंकले कात्तिकमा व्यक्तिगत तर्फ १० प्रतिशत र संस्थागत तर्फ ८ प्रतिशत ब्याजदर निर्धारण गरेको थियो ।

नबिल बैंकले मंसिरका लागि ०.९ प्रतिशत घटाएर व्यक्तिगत तर्फ ९.१ प्रतिशत र संस्थागत तर्फ ७.१ प्रतिशत प्रदान गर्ने छ । यसअघि बैंकले कात्तिकमा व्यक्तिगत तर्फ १० प्रतिशत र संस्थागत तर्फ ८ प्रतिशत ब्याजदर निर्धारण गरेको थियो ।

हिमालयन बैंकले १०.६० प्रतिशत मुद्दति निक्षेपमा ब्याजदर तोकेको छ । नेपाल राष्ट्र बैंकको तथ्यांक अनुसार हाल सीडी रसियो ८१.३१ प्रतिशतमा झरेको छ । कृषि विकास बैंकले मंसिरका लागि ०.०४८ प्रतिशत घटाएर व्यक्तिगत तर्फ ९.५१२ प्रतिशत र संस्थागत तर्फ ७.९१२ प्रतिशत प्रदान गर्ने छ । यसअघि बैंकले कात्तिकमा व्यक्तिगत तर्फ ९.७६ प्रतिशत र संस्थागत तर्फ ७.७६ प्रतिशत ब्याजदर निर्धारण गरेको थियो ।

नेपाल इन्भेष्टमेन्ट मेगा बैंकले मंसिरका लागि ०.५ प्रतिशत घटाएर व्यक्तिगत तर्फ ९.५१ प्रतिशत र संस्थागत तर्फ ७.५१ प्रतिशत प्रदान गर्ने छ । यसअघि बैंकले कात्तिकमा व्यक्तिगत तर्फ १०.०१ प्रतिशत र संस्थागत तर्फ ८.०१ प्रतिशत ब्याजदर निर्धारण गरेको थियो ।

राष्ट्रिय वाणिज्य बैंकले ०.५ प्रतिशत घटाएर व्यक्तिगत तर्फ ९ प्रतिशत र संस्थागत तर्फ ७ प्रतिशत प्रदान गर्ने छ । यसअघि बैंकले कात्तिकमा व्यक्तिगत तर्फ ९.५ प्रतिशत र संस्थागत तर्फ ७.५ प्रतिशत ब्याजदर निर्धारण गरेको थियो ।

एभरेष्ट बैंकले मंसिरमा ०.२२४ प्रतिशत घटाएर व्यक्तिगत तर्फ ९ प्रतिशत र संस्थागत तर्फ ७ प्रतिशत प्रदान गर्ने छ । यसअघि बैंकले कात्तिकमा व्यक्तिगत तर्फ ९.२२४ प्रतिशत र संस्थागत तर्फ ७.२२४ प्रतिशत ब्याजदर निर्धारण गरेको थियो ।

स्ट्याण्डर्ड चार्टर्ड बैंकले ०.२५ प्रतिशत घटाएर व्यक्तिगत तर्फ ८.९७ प्रतिशत र संस्थागत तर्फ ५.२५ प्रतिशत प्रदान गर्ने छ । यसअघि बैंकले कात्तिकमा व्यक्तिगत तर्फ ९.२२ प्रतिशत र संस्थागत तर्फ ५.५५ प्रतिशत ब्याजदर निर्धारण गरेको थियो ।

यस्तै, सानिमा बैंकले मंसिर महिनाका लागि ०.२२४ प्रतिशत घटाएर व्यक्तिगत तर्फ ९ प्रतिशत र संस्थागत तर्फ ७ प्रतिशत प्रदान गर्ने छ । यसअघि बैंकले कात्तिकमा व्यक्तिगत तर्फ ९.२२४ प्रतिशत र संस्थागत तर्फ ७.२२४ प्रतिशत ब्याजदर निर्धारण गरेको थियो ।

प्रभु बैंकले मंसिर महिनाका लागि ०.२२४ प्रतिशत घटाएर व्यक्तिगत तर्फ ९ प्रतिशत र संस्थागत तर्फ ७ प्रतिशत प्रदान गर्ने छ । यसअघि बैंकले कात्तिकमा व्यक्तिगत तर्फ ९.२२४ प्रतिशत र संस्थागत तर्फ ७.२२४ प्रतिशत ब्याजदर निर्धारण गरेको थियो ।