इजरायली सेनाद्दारा गाजामा रातभरी बमबारी, २८ को मृत्यु

१ मंसिर, गाजापटटी । इजरायलले गाजामा रातभर बमबारी गरेको छ । सो क्रममा गाजाको धेरै भागमा सञ्चार ब्ल्याकआउट भएका छन् । 

साथै, प्रमाणित जानकारी सङ्कलन गर्न स्वास्थ्य मन्त्रालयलाई सामना गर्नु पर्ने कठिनाइहरूले इजरायली हमलाहरूबाट प्रभावित स्थानहरूबाट जानकारी पाउन गाह्रो बनाएको छ। दक्षिणी गाजाबाट अल जजीरा, अरबीको हेबा अकिलाले निम्न जानकारी सङ्कलन गरेकी छिन् । 

जसअनुसार उत्तरी गाजामा रहेको जबलिया शरणार्थी शिविरको आवासीय क्षेत्रमा रहेको आवासीय भवनलाई लक्षित गरी इजरायली हवाई आक्रमणमा परी कम्तीमा ११ प्यालेस्टाइनीको मृत्यु भएको छ ।

हवाई आक्रमणले दक्षिणी गाजामा बेकरी र गहुँ मिलहरूमा असर पारेको छ, केवल एउटा कम्पनी भने अझै पनि एन्क्लेभमा पीठो उत्पादन गर्न सक्षम छ।

खान युनिसको पूर्वमा रहेको अल कारारामा रहेको एउटा घरमा भएको हवाई आक्रमणमा परी कम्तीमा १० जनाको मृत्यु भएको छ । मृत्यु हुनेमा एक बालक र एक बालिका रहेका छन् ।

हवाई आक्रमण रफाहको पूर्व र पश्चिममा भएको थियो। रफाहको पूर्वमा भएको एउटा बम विष्फोटमा कुखुरा फार्ममा कम्तीमा सात प्यालेस्टाइनीको मृत्यु भएको थियो।

गाजा सहरमा शवहरू भुइँमा नै अलपत्र अवस्थामा छन्, स्थानिय बासिन्दाहरू अहिले ध्वस्त शहरमा इजरायली सेनाले गोली हान्ने डरले तिनीहरूलाई संकलन गर्न असमर्थ छन्।