आठ सय ८० ग्राम चरेशसहित एकजना पक्राउ

४ मंसिर, कैलाली । कैलालीबाट प्रहरीले आठ सय ८० ग्राम चरेशसहित एक जनालाई पक्राउ गरेको छ ।  धनगढी उपमहानगरपालिका-७ मनहेराबाट अवैध लागूऔषध चरेश ८ सय ८० ग्रामसहित बझाङ सुर्मा गाउँपालिका-२ डोरी बस्ने ६१ वर्षीय मोतीलाल बोहरालाई आइतबार राति प्रहरीले पक्राउ गरेको हो । 

 अस्थायी प्रहरी पोष्ट मनहेराबाट खटिएको प्रहरीले उनलाई उक्त लागूऔषधसहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।