गृह मन्त्रालयका काम थप प्रभावकारी बनाउन पौड्यालको नेतृत्वमा अध्ययन समिति गठन

४ मंसिर, काठमाडौं । सरकारले गृह मन्त्रालयले गर्ने कामलाई अझ प्रभाकारी बनाउन भन्दै पूर्वमुख्यसचिव लिलामणी पौडेलको नेतृत्वमा एक अध्यायन समिति गठन गरेको छ । सोमबार पत्रकार सम्मेलन गर्दै गृह मन्त्रालयमा आयोजित गृह मन्त्रालयले कार्य सम्पादन प्रभावकारी बनाउन गर्नुपर्ने उपाय र कार्ययोजना तयार गर्न पौड्यालको संयोजकत्वमा अध्ययन समिति गठन गरेको जानकारी दिइएको हो ।  

समितिमा पूर्वसचिव शरदचन्द्र पौड्याल, शंकर प्रसाद कोइराला, लक्ष्मीप्रसाद ढकाल, प्राध्यापक डा. खंग केसीलाई राखिएको छ । समितिमा पूर्वप्रहरी महानिरीक्षक प्रकाश अर्याल, पूर्वसशस्त्र प्रहरी महानिरीक्षक सिंहबहादुर श्रेष्ठ, समाजशास्त्री डा. विन्दु पोखरेल, सूचना प्रविधि विज्ञ विजय गौतम सदस्यका रुपमा रहेका छन् । 

गृह मन्त्रालयमा आयोजित पत्रकार सम्मेलनमा उपप्रधानमन्त्री तथा गृहमन्त्री नारायणकाजी श्रेष्ठले समितिका संयोजक तथा सदस्यहरु सबैले स्वयंसेवकको रुपमा काम गरी तीन महिनाभित्र प्रतिवेदन बुझाउन समय दिइएको बताए । उनले गृहमन्त्रालय र मातहतका निकायले गर्ने कामलाई कसरी प्रभावकारी बनाउन सकिन्छ भन्ने उदेश्य राखेर समिति गठन गरिएको जानकारी दिए ।