सर्वोच्च र उच्च अदालतमा न्यायाधीश नियुक्तिका लागि नाम सिफारिस गर्ने तयारीमा न्यायपरिषद
नेपालबहस संवाददाता
मंसिर ५, २०८० मंगलबार १०:१५:४४
५ मंसीर, काठमाडौं । सर्वोच्च र उच्च अदालतका रिक्त पदमा न्यायाधीश नियुक्तिका लागि नाम सिफारिस गर्ने तयारी भएको छ । यसका लागि आज मंगलबार बिहान ११ बजेपछि न्यायपरिषदको बैठक डाकिएको छ । सोमबार बसेको परिषदको बैठकले विवादित भएको विषयलाई एक पद बाँकी राखेर अरूमा नाम सिफारिस गर्ने सहमति भएको छ ।
मंगलबार बस्ने परिषदको बैठकमा विवाद रहेको विषयमा सहमति भए सर्वोच्चमा सात र उच्चमा ६ जना मुख्य न्यायाधीशहरू नियुक्तिका लागि सिफारिस हुनेछन् । विवादित बुँदामा सहमति नभए सर्वोच्चमा एक पद खाली राखेर ६ जनाको नाम सिफारिस हुन्छ, न्यायपरिषदका एक सदस्यले नेपालबहसलाई बताए । सर्वोच्चका लागि विराटनगरका कानुन व्यवसायी हरी फुयालको नाम विवादित छ ।
उनी कुनै राजनीतिक दलसँग र कानुन व्यवसायीका संगठनसँग आबद्ध नभएको र वरिष्ठको उपाधि पनि नपाएको भन्दै उनको नाममा परिषदमा विवाद आएको हो । उनी कुनै समुहसँग आबद्ध नभए पनि कांग्रेस नेता शेखर कोइराला मार्फत न्यायपरिषदमा नाम पुगेको बताइएको छ । उनको नाममा सहमति नभए सर्वोच्चमा ६ जना मात्र न्यायाधीश सिफारिस हुने सम्भावना छ ।
सर्वोच्चमा २१ मध्ये ७ न्यायाधीश रिक्त छन् । अहिले १४ जना न्यायाधीशले मात्रै नियमित काम गरिरहेका छन् । सोमबार अनौपचारिक रुपमा छलफलमा बसेका न्यायपरिषदका सदस्यहरूले करिब करिब नामावली टुंग्याएको र केही सामान्य मतभेद मात्रै समाधान गर्न बाँकी रहेकाले आज नाम सिफारिस हुने प्रवल सम्भावना देखिएको छ ।
सर्वोच्चमा रिक्त सात मध्ये कानुन व्यवसायीहरूबाट अधिकतम ३ र २ मा पनि सहमति हुन बाँकी छ । कानुन व्यवसायीबाट ३ जना लगे विभागबाट ४ जना आउनेछन् । कानुन व्यवसायीबाट २ जना मात्र ल्याएमा विभागबाट ५ जना पर्नेछन् । उच्च अदालतमा पनि ६ जना मुख्य न्यायाधीशको पद रिक्त छ ।
संविधानमा संवैधानिक पदाधिकारीसहित सर्वोच्च अदालतका न्यायाधीशको पद रिक्त हुनुभन्दा एक महिनाअघि नै पूर्ति गर्नुपर्ने संवैधानिक व्यवस्था छ । तर विभिन्न कारणले साढे दुई वर्षदेखि नियमित न्यायाधीश सिफारिस प्रक्रिया रोकिँदै आएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसन्दीप लामिछाने निर्दोष ठहर, जिल्ला अदालतको फैसला उच्चले उल्टायो
जेठ २, २०८१ बुधबार
सन्दीपको मुद्दाको सुनुवाइ सकियो, फैसला आउँदै
जेठ २, २०८१ बुधबार
सन्दीपको मुद्दामा फैसला सुनाउन उच्च अदालत पाटनमा कडा सुरक्षा
जेठ २, २०८१ बुधबार
अवनतिको बाटो फेर्न लागेको राजनीति र सुरक्षा चासो
सुबोधकुमार अधिकारी
जेठ ४, २०८१ शुक्रबार
क्रिकेटर सन्दीप लामिछानेको मुद्दा हेर्दाहेर्दैमा
नेपालबहस संवाददाता
जेठ १, २०८१ मंगलबार
अवनतिको बाटो फेर्न लागेको राजनीति र सुरक्षा चासो
जेठ ४, २०८१ शुक्रबार
सुनको मूल्यमा गिरावट, तोलाको कति ?
जेठ ४, २०८१ शुक्रबार
विद्यार्थी मृत फेला परेपछि आक्रोशित भिडद्वारा स्कुलमा आगलागी
जेठ ४, २०८१ शुक्रबार
मालिक रिसाउनुमा यी ग्रहको भूमिका, जान्नुहोस् हाकिमको स्वभाव
जेठ ४, २०८१ शुक्रबार
कोशीका मुख्यमन्त्री कार्कीले विस्तार गरे मन्त्रिपरिषद
जेठ ४, २०८१ शुक्रबार
आजदेखि संसद भवन वरिपरीका पेटीबाट हिँड्न नपाइने
जेठ ४, २०८१ शुक्रबार
भलिबल खेलाडीलाई सेनाको सहयोग
जेठ ४, २०८१ शुक्रबार
उच्च रक्तचाप नियन्त्रणमा राख्नसके दीर्घकालीन असरबाट बच्न सकिन्छ
जेठ ४, २०८१ शुक्रबार
अवैध सुन नदिने उद्देश्यले लुटिएको नाटक गर्ने व्यक्ति पक्राउ
जेठ ४, २०८१ शुक्रबार