१० दिन देखी काशीको सुरुङमा फसेका मजदुरको भिडियो सार्वजनिक

५ मंसिर, काशी । विगत १० दिन देखी सुरुङमा फसेका मजदुरको पहिलो भिडियो सार्वजनिक भएको छ । उत्तराखण्डको उत्तरकाशीस्थित सिल्कारा सुरुङमा १० दिनदेखि फसेका ४१ जना मजदुरको पहिलो फुटेज सार्वजनिक भएको हो । 

इन्डोस्कोपिक क्यामेरा आइतबार नयाँ ६ इन्च चौडा पाइपलाइनमार्फत भित्र पठाइएको थियो। यसैमार्फत मजदुरसँग वार्ता पनि भएको थियो । उनीहरूको आधिकारिक गणनासमेत गरिएको थियो । 

फुटेजमा देखिएका सबै कामदार अहिलेसम्म सकुशल नै रहेका छन् । उनीहरू सबै जना खुसी र हाँसिरहेका देखिएका छन् । 

अब उनीहरू सकुशल रहेको भिडियो बाहिर आए पछि उनीहरूको उद्धारमा गम्भिरतापुर्वक काम भइरहेको छ ।