काठमाडौंमा हुने युवा संघको प्रदर्शन लगायतका विषयमा एमाले केन्द्रीय कमिटीमा छलफल

६ मंसिर, काठमाडौं । नेकपा एमालेको केन्द्रीय कमिटी बैठकमा छलफल हुँदैछ ।  केन्द्रीय कार्यालय च्यासलमा बिहान ११ बजेबाट सुरु भएको बैठकमा युवा संघको प्रर्दशन र मध्य पहाडी लोकमार्ग केन्द्रित विशेष अभियानको योजना, यसका लागि नेताहरूको परिचालनलगायतका विषयमा छलफल भइरहेको छ । 
 
बैठकमा मंसिर १४ गतेदेखि सुरु गर्ने तयारी गरेको झुलाघाटदेखि चिवाभञ्ज्याङसम्म समृद्धिका लागि संकल्प यात्रा’का बारेमा पनि छलफल हुने नेताहरूले बताएका छन् । पार्टीको भ्रातृ संगठन राष्ट्रिय युवा संघ नेपालले बिहीबार (भोलि) काठमाडौंमा गर्ने प्रदर्शनलगायत विषय बैठकका एजेन्डा रहेका छन् ।