नगरपालिकाको मनोमानीले नागरिकलाई सास्ती

दीपक शर्मा 

६ मंसिर, बर्दिया । विद्यालय विदाको विषयमा पालिकाले समयमै सार्वजनिक नगरेका कारण विद्यार्थी तथा अभिभावकले दुख पाउनु परेको छ । बर्दियाको गुलरिया नगरपालिकाले ४ गते शोक विदा भन्दै बिहान ९ बजेतिर सूचना सार्वजनिक गरेका कारण विद्यार्थी , शिक्षक तथा अभिभावकलाई अनावश्यक सास्ती खेप्नु परेको छ । 

निजी विद्यालयले बिहानै ८ वजेदेखि विद्यार्थीलाई विद्यालय ल्याउनका लागी गाडि पठाइसकेका हुन्छन अधिकास विद्यालयमा विद्यार्थी र शिक्षक विद्यालय आइसकेपछि मात्र शोक विदा गरिएको रहेछ भन्ने थाहा भएको थियो जसका कारण आफुहरुले अनावश्यक दुख पाएको शिक्षकहरूको भनाई रहेको छ । विद्यार्थी लिन गएका विद्यालयका बसहरु विद्यार्थी ल्यायर विद्यालय पुगीसकेका थिए । 

गुलरिया नगरपालिकाले शोक विदा गर्ने निर्णय मंसीर ३ नै गर्नुपर्ने हो ।  ४ गते विहान ९ बजेतिर शोक विदा भएको हुँदा विद्यालय बन्द गर्ने भन्ने निर्णय गर्दा समस्या आइपरेको शिक्षकरुले बताएका छन ।  नगरपालिकाले शोक विदा गर्ने नै भए एक दिन पहिले नै सूचना सार्वजनिक गर्नु पर्ने हो तर त्यसो नगरेका कारण पालिकाका पदाधिकारी र कर्मचारीको सोच कस्तो रहेछ भन्ने खालको सन्देश पनि दिएको स्थानिय वासीहरुको भनाई रहेको छ ।

गुलरिया नगरपालिकाले २०८० साल मंसीर ३ गते गुलरिया नगरपालिका ३ का वडा सदस्य तथा नगरपालिकाका नगरसभा सदस्य दुर्गाप्रसाद अहिरको निधनमा शोक विदा दिने भन्दै ४ गते बिहान ९ बजेतिर मात्रै सूचना प्रकाशित गरेको थियो ।