राष्ट्रपतिलाई भेट्न शीतलनिवास पुगे प्रधानमन्त्री प्रचण्ड

६ मंसिर, काठमाडौं । राष्ट्रपति रामचन्द्र पौडेलसँग प्रधानमन्त्री पुष्पकमल दाहाल प्रचण्डले भेटवार्ता गरेका छन् । जाजरकोट भूकम्पपीडितको पुनःस्थापना, देशको शान्ति सुरक्षा र सरकारका पछिल्ला कामकारवाहीबारे उनीहरुबीच छलफल भएको छ । 

राष्ट्रपति पौडेललाई भेट्न बुधबार बिहान शितल निवासमा पुगेका प्रधानमन्त्री प्रचण्डले मुलुकको समसामयिक विषयमा कुरा गरेको राष्ट्रपति पौडेलका प्रेस सल्लाहकार किरण पोखरेलले जानकारी दिए ।

पोखरेलका अनुसार राष्ट्रपति पौडेलले भूकम्प प्रभावित जिल्लाहरूमा राहत तथा पुनःस्थापनाको कार्यलाई थप प्रभावकारी बनाउन ध्यानाकर्षण समेत गराएका थिए । भोली हुने काठमाडौं केन्द्रित प्रदर्शनका विषयमा पनि चर्चा भएको थियो ।