बिल बिजक भन्दा बढी खुद्रा सामानहरु लोड गरेको ट्रक नियन्त्रणमा

६ मंसिर, काठमाडौं । वीरगञ्जबाट प्रहरीले बिल बिजक भन्दा बढी खुद्रा सामानहरु लोड गरेको ट्रक नियन्त्रणमा लिएको छ  ।  मंगलबार राती वीरगञ्जबाट कास्कीतर्फ जाँदै गरेको ना।३ ख २७७ नम्बरको मालवाहक ट्रकलाई रोकी जाँच गर्ने क्रममा विल विजक भन्दा बढी मालबस्तुहरू लोड रहेको तथा सो विल बिजक शङ्कास्पद देखिएको हुँदा प्रहरीले नियन्त्रणमा लिएको जनाएको छ । 

प्रहरी अनुसार उनासी लाख छपन्न हजार बराबरको ट्रकभित्र लोड भएको सामानसहित थप अनुसन्धान र आवश्यक कारबाहीका लागी राजश्व अनुसन्धान कार्यालय पथलैया, बारामा बुझाइएको छ ।