शेयरबजार दोहोरो अंकले वृद्धि, १ अर्बभन्दा बढीको कारोबार

६ मंसिर, काठमाडौं । शेयरबजार दोहोरो अंकले बढेको छ । बुधबार २०.६७ अंकले बढेर शेयरबजार १८५०.३३ विन्दुमा पुगेर बन्द भएको छ । 

तिहार तथा छठ पर्वपछि खुलेको पहिलो दिन सोमबार १.३९ अंकले बढे पनि मंगलबार २३.८२ अंकले ओरालो लागेको शेयरबजार बुधबार दोहोरो अंकले बढेको हो । 

बुधबार ४३ हजार ५८३ पटक कारोबार हुँदा ४२ लाख १३ हजार २८५ कित्ता शेयर किनबेच हुँदा १ अर्ब ८ करोड ७० लाख ९८ हजार ४९५ रूपैयाँको कारोबार भएको छ । यसदिन १९५ वटा कम्पनीको शेयर मूल्य बढ्दा ४० वटाको ओरालो लागेको छ भने ३ वटाको स्थिर रहेको छ ।