माछापुच्छ्रे बैंकको अध्यक्षमा रोशन के.सी. नियुक्त

७ मंसिर, काठमाडौं । माछापुच्छ्रे बैंकको मिति २०८०/०८/०७, बिहीबार बसेको ४९१ औ संचालक समितिको बैंठकले रोशन के.सी.लाई संचालक समितिको अध्यक्षमा नियुक्त गरेको छ ।

बैंकका निर्वतमान अध्यक्ष डा.उपेन्द्र महताले दिएको राजीनामा स्वीकृत गर्दै रोशन के.सी.लाई नयाँ अध्यक्षमा चयन गरेको हो ।

रोशन के.सी. विगत ९ वर्ष देखि माछापुच्छ्रे बैंकमा आबद्ध भई मिति २०७४/०१/०४ देखि २०७५/०९/२० यसै बैंकका अध्यक्षमा रहेका थिए र हाल अध्यक्षमा नियुक्त हुनु अघि यसै बैंकमा संस्थापक सञ्चालकको रुपमा प्रतिनिधित्व गर्दै आएका थिए । साथै उनी एक सफल युवा व्यवसायीको रुपमा संस्थापित भई हाइड्रो , कन्स्ट्रक्सन , बैंक तथा वित्तीय संस्था एवं अन्य क्षेत्रहरूमा पनि आबद्ध रहँदै आएका छन् ।