भैरहवा विमानस्थल नियमित सञ्चालन नहुँदा व्यवसाय चौपट, ४० अर्ब लगानीमा बनेका प्रायः होटल लिलामी हुँदै
नेपालबहस संवाददाता
मंसिर ९, २०८० शनिबार ११:४२:५६
९ मंसिर, भैरहवा । भैरहवास्थित गौतम बुद्ध अन्तर्राष्ट्रिय विमानस्थल २०७८ कार्तिक ६ गते उद्घाटन भई सञ्चालनमा आए पनि नियमित रुपमा उडान अवतरण नभएपछि व्यवसायीहरूले विरोधस्वरुप प्रवेशद्वारमा जहाजको आकृति बनाएका छन् । यो विमानस्थल निर्माण र संचालनमा सरकारले खर्च गरेको भन्दा बढी लगानी निजी क्षेत्रले गरेका छन ।
मंसिर ६ गतेबाट भैरहवामा उद्योग व्यापार संगठन रुपन्देहीको आयोजनामा छैठौं लुम्बिनी प्रादेशिक महोत्सव हुदैछ, महोत्सवमा अन्तर्राष्ट्रिय विमानस्थल नियमित सञ्चालनका लागि दवाव दिनका लागि आयोजकले प्रवेशद्वार नै विमानस्थलको अनुभूत हुने गरि बनाएका छन ।
विरोधको कार्यक्रमलाई जनस्तरमा लैजान एवं अन्तर्राष्ट्रिय विमानस्थल नियमित रुपमा सञ्चालनमा ल्याउन दबाब दिने उद्देश्यले प्रवेशद्वारमा जहाजको आकृति दिएको संगठनका अध्यक्ष दर्पण श्रेष्ठले बताए ।
निजी तथा सामाजिक क्षेत्रका संघसंस्थाहरूको संस्था सिद्धार्थ संजाल रुपन्देहीले पनि कार्तिकको दोस्रो साताबाट विमानस्थल पूर्ण रुपमा संचालनका लागि आन्दोलन गरिरहेका छन । विमानस्थल नियमित सञ्चालन गर्न पटक पटक आग्रह तथा दबाबमूलक कार्यक्रम गर्दा पनि सरकार मौन रहेकाले उनीहरू आन्दोलनमा उत्रेका हुन ।
आन्दोलनका कार्यक्रम अन्तर्गत प्रधानमन्त्री एवं संस्कृति, पर्यटन तथा नागरिक उड्डयन मन्त्रीलाई एकमहिने अल्टिमेटमसहित ज्ञापनपत्र दिइसकेको छ । त्यस्तै, कात्तिक १५ गतेदेखि सम्बन्धित निकायहरूमा पत्राचार भेटघाट तथा आगामी कार्यक्रमका बारेमा जानकारी गराउने, आन्तरिक हवाई टिकट बिक्री नगर्नका लागि हवाई एयरलाइन्समा पत्राचार गर्ने र विरोधस्वरुप आन्तरिक विमानस्थल अगाडि शान्तिपूर्ण धर्ना दिने, आन्तरिक हवाई उडान बन्द गर्न दबाबस्वरुप धर्ना तथा विरोध प्रदर्शन गर्ने र मंसिर २५ गतेदेखि अनिश्चितकालका लागि आन्तरिक हवाई उडान र बेलहिया नाका पूर्ण रुपमा बन्द गर्न आह्वान गर्ने लगायतको आन्दोलनको तय भएको छ ।
विमानस्थललाई नै केन्द्र बनाई निजी क्षेत्रबाट अर्बौको लगानी भइसकेको र भइरहेको छ । उद्घाटन भएको २ वर्ष बित्दा पनि नियमित रुपमा बिमानहरू आउन नसकेको कारण यहाँका उद्योगी व्यवसायी निराश छन् । अहिले यहाँ निजीक्षेत्रको जुनसुकै कार्यक्रम होस विमानस्थलकै एजेण्डा पहिलो बन्ने गरेको छ ।
विमानस्थललाई नै हेरेर यहाँ अर्बौँ लगानी भएको छ । काठमाडौंमा जाम छ तर भैरहवामा तयारी अवस्थामा रहेको विमानस्थल चलाउने तर्फ सरकारले नै उदासीनता देखाएपछि जनस्तरमै दबाब श्रृजना गर्नका लागि जहाजको डेमो बनाएको हो । करिब ५ लाखको लागतमा भारतबाट कालीगढ बोलाएर प्रवेशद्वारमा बिमानको आकृति तयार गरिएको हो ।
मेला अवलोकनका लागि आउने दर्शकको पहिलो नजरमै यही परोस् भन्ने मनसायले पहिलो इम्प्रेशन पार्न बिमान निर्माण गरिएको हो । कतिले यसको व्याख्या फरक गर्लान तर यो बनाउनुको एक मात्र उद्देश्य व्यवसायीहरूको पीडा अन्तर्राष्ट्रिय विमानस्थल सञ्चालनको लागि दबाब दिनु नै हो ।
‘हामी अहिले गौतम बुद्ध अन्तर्राष्ट्रिय विमानस्थल नियमित सञ्चालन हुन पर्दछ भन्ने मागसहित आन्दोलनमा छौँ । यसका लागि जहाँबाट पनि हामी सरकारको विरोध गर्दछौँ,’ संगठनका पूर्वअध्यक्ष नारायण भण्डारीले भने । यो व्यवसायीहरूको पिडा बोलेको हो गौतम बुद्ध अन्तर्राष्ट्रिय विमानस्थल बनेपछि रुपन्देहीको पर्यटन क्षेत्रको मुहार फेरिने आसमा बसेका पर्यटन व्यवसायीले विमानस्थललाई लक्षित गरी करिब ४० अर्ब रुपैयाँ होटेल क्षेत्रमा लगानी गरेका छन् ।
विमानस्थल नियमित सञ्चालन नहुँदा अहिले रुपन्देहीका ३० प्रतिशत होटेल बैंकको लिलामी प्रक्रियामा गइसकेको छ । बैंकको ब्याज र धरपकडले आत्महत्या गर्ने अवस्थामा पुगेका छन् भने अझै पनि विमानस्थल पूर्ण क्षमतामा नचल्ने हो भने अवस्था भयावह हुन्छ’ उनले भने ।
हामीहरूले जति सक्यो चाँडो नियमित अन्तर्राष्ट्रिय उडान भर्न , नेपाल वायुसेवा निगमको जहाजहरूबाट उडान भर्न र कूटनीतिक पहलकदमीसहित अन्य अन्तराष्ट्रिय उडानको माग गरेका छौ । संचालनमा आएको २ वर्ष बित्दा पनि विमानस्थलमा नियमित अन्तराष्ट्रिय उडान नहुनु हामी सबैको लागि दुःखद हो । हामीहरूको एक मात्रै एजेण्डा अन्तराष्ट्रिय विमानस्थलमा नियमित उडान हुनु रहेको सिद्धार्थ उद्योग वाणिज्य संघ रुपन्देहीका अध्यक्ष ठाकुर कुमार श्रेष्ठले भने ।
निजी क्षेत्रको पिडा कसले बुझे हामीहरूको अहिले एकसुत्रीय मुद्दा नै अन्तराष्ट्रिय विमानस्थलमा नियमित अन्तराष्ट्रिय उडान हुनु नै हो, यसले मात्रै निजी क्षेत्रलाई बचाउन सकिन्छ । यस क्षेत्रको समृद्धिको मूल आधार मानिएको यो विमानस्थल सञ्चालनमा नआउँदा विमानस्थललाई लक्षित गर्दै भएको लगानी डुब्ने र उद्योगी व्यवसायी सडकमा आउने अध्यक्ष श्रेष्ठले भने । एकातिर निजी क्षेत्रको अर्बौं लगानी खेर गइरहेको छ भने विमानस्थलको लगानी पनि जोखिममा छ ।
‘स्थानीय बजारमा खरिद गरौँ, स्थानीय बजारको प्रवर्द्धन गरौँ, स्वदेशी वस्तुको प्रयोग गरौँ, स्वाभिमानी नेपालीको पहिचान बचाऔँ’ भन्ने नाराका साथ सिद्धार्थनगर– ८ स्थित अञ्चलपुरमा महोत्सव हुँदै छ
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपमुस्ताङको सुन्दरतामा पर्यटक आकर्षित
असोज ६, २०८१ आइतबार
सांस्कृतिक आदानप्रदान र दिगो विकासमा पर्यटनको भूमिका महत्वपूर्णः पर्यटनमन्त्री
असोज ४, २०८१ शुक्रबार
गाभर क्षेत्रमा पर्यटक बढेपछि होटल व्यवसायमा लगानी थपिँदै
असोज ४, २०८१ शुक्रबार
रविलाई पक्राउ गर्ने कि नगर्नेमा विवाद, पुरक अभियोजनका लागि छलफल
नेपालबहस संवाददाता
असोज ४, २०८१ शुक्रबार
नेकपा एसमा विवादः रामकुमारीसहित असन्तुष्ट नेताहरु एमालेसँग नजिकिदै
नेपालबहस संवाददाता
असोज ६, २०८१ आइतबार
घरबाटै पक्राउ परे मेडिकल व्यवसायी दुर्गा प्रसाईं
नेपालबहस संवाददाता
असोज ६, २०८१ आइतबार
दुर्गा प्रसाईंलाई साइबर ब्यूरोबाट अदालत लगियो [ फोटो फिचर ]
नेपालबहस संवाददाता
असोज ६, २०८१ आइतबार
नेकपा एसमा विवादः रामकुमारीसहित असन्तुष्ट नेताहरु एमालेसँग नजिकिदै
असोज ६, २०८१ आइतबार
घरबाटै पक्राउ परे मेडिकल व्यवसायी दुर्गा प्रसाईं
असोज ६, २०८१ आइतबार
दुर्गा प्रसाईंलाई साइबर ब्यूरोबाट अदालत लगियो [ फोटो फिचर ]
असोज ६, २०८१ आइतबार
एरिकाले नेपाललाई रजत पदक दिलाइन
असोज ६, २०८१ आइतबार
इजरायली सेनाद्वारा वेस्ट बैंकमा अल जजिरा टिभीलाई ४५ दिनका लागि बन्द गर्न आदेश
असोज ६, २०८१ आइतबार
माओवादी केन्द्रको परामर्श र दक्षिण एसिया सङ्गठन समितिको बैठक
असोज ६, २०८१ आइतबार
सहकारी ठगी प्रकरणमा पूर्वडीआईजी छविलाल जोशी पक्राउ
असोज ६, २०८१ आइतबार
दुई महिनामा थपियो साढे ९४ अर्ब सरकारी ऋण
असोज ६, २०८१ आइतबार
ग्लोबल आइएमई बैंकको पुरुष र महिला टोली अन्तरबैंक फुटसल २०८१ को विजेता
असोज ६, २०८१ आइतबार