तस्करीमा सहयोग पुर्याउने सशस्त्रका डीएसपी खड्का र एसपी भारतीमाथि विभागीय कारबाही

१० मंसिर सिराहा । तस्करीमा संलग्न रहेको आरोपमा सशस्त्र प्रहरीले सिराहाका एसपी प्रमोद भारतीलाई कारबाही गरेको छ । केही दिन अघि उनलाई नसिहतको कारबाही भएको बताइएको छ । 

हलचोक स्थित सशस्त्रको हेडक्वार्टरले उनलाई कारबाही गरेको हो ।  सिराहाको माडरबाट तस्करी गराएका बीओपी माडरका डीएसपी पवन खड्कालाई पनि नसिहतकै कारबाही भएको छ । तर अर्का डीएसपी रामहरी खड्का भने कारबाहीबाट जोगिएका छन् । 

यता फेसबुकमा संगठन विरुद्ध लेख्ने सइ बाबुराम गैरेले पनि नसिहतको कारबाही भोगेका छन् । उनले संगठन विरुद्ध फेसबुकमा लेखेका थिए । संगठनमा अनुशासन नभएको भनेर चिनिने गैरेको दरबन्दी पनि विगत १० वर्ष देखि रुपन्देही र कपिलवस्तुमा मात्र हुने गरेको छ । ती जिल्लाका बीओपीमा बसेर तस्करी गराउने गरेको आरोप उनीमाथि छ ।