गणतन्त्रमाथि भइरहेको षड्यन्त्रविरुद्ध एकजुट हौँः तमलोपा

१२ मंसिर, काठमाडौं । तराई–मधेस लोकतान्त्रिक पार्टी (तमलोपा)ले गणतन्त्र संघीयता र लोकतन्त्रविरुद्ध भइरहेका षडयन्त्रविरुद्ध एकजुट हुन आह्वान गरेको छ । मंगलबार सम्पन्न केन्द्रीय समितिको बैठकले संघीयता र गणतन्त्रविरुद्ध भइरहेको षड्यन्त्रको विरुद्ध एकजुट आह्वान गरेको हो । 
 
बैठकले मधेस प्रदेश सरकारसँग प्रदेशको उन्नति र विकासको निमित्त दृष्टि, रणनीति, योजना र प्रतिबद्धताको अभाव रहेको आरोप लगाउँदै वर्तमान प्रदेश सरकारले मधेस प्रदेशलाई कतातिर कुन दिशामा लान खोजेको प्रष्ट नरहेको निष्कर्ष निकालेको छ ।