धुम्बाराहीमा कांग्रेस पदाधिकारी बैठक आज बस्दै

१२ मंसिर, काठमाडौं । नेपाली कांग्रेसका सभापति शेरबहादुर देउवाले पदाधिकारी तथा पूर्वपदाधिकारीको बैठक बोलाएका छन्। बैठक आज बुधबार दिउँसो १ बजे धुम्बाराहीमा बस्ने गरी बैठक बोलाएको हो। 

बैठकमा आगामी पुसमा हुने महासमिति बैठकको तयारी र विभाग गठनका विषयमा छलफल हुने नेपाली कांग्रेसका प्रचार विभाग प्रमुख मीन विश्वकर्माले जानकारी दिए ।

कांग्रेसको महासमिति बैठक पुस १६ देखि १९ गतेसम्म बस्ने गरी तय भएको छ । विधान अनुसार महाधिवेशन नभएको वर्ष महासमिति बैठक गर्नुपर्ने व्यवस्था छ ।

विभागलाई पूर्णता दिने र सरकारको काम कारबाही बारे पनि बैठकमा छलफल हुने बताइएको छ । नेपाली कांग्रेसमा ४८ बाट बढाएर ७० विभाग पुर्याइएको छ ।