एनसेलको शेयर बेच्ने आजियाटाको निर्णयविरुद्धको रिटमा लिखित जवाफसहित दुवै पक्षलाई हाजिर हुन आदेश

१५ मंसिर, काठमाडौं । उच्च अदालत पाटनले एनसेलको शेयर बेच्ने मलेसियन कम्पनी आजियाटाको निर्णयविरूद्ध परेको रिटमा लिखित जवाफसहित दुवै पक्षलाई अदालत उपस्थित हुन आदेश दिएको छ । शुक्रबार उच्च अदालत पाटनले यस्तो आदेश गरेको हो ।  

व्यावसायिक वातावरण चुनौतीपूर्ण बन्दै गएको भन्दै आजियाटाले एनसेलमा रहेको शेयर बिक्री गर्ने निर्णय गरेको थियो । त्यस विरुद्ध परेको रिटमा न्यायाधीश दीपेन्द्र अधिकारीको इजलासले कारण देखाउ आदेश जारी गरी लिखित जवाफ मागेको छ ।

अदालतले अन्तरिम आदेश दिने/नदिनेबारे दुवै पक्षको छलफलपछि मात्र निर्णय हुने भन्दै २५ गतेका लागि पेशी तोकेको छ । आजियाटाले एनसेलामा रहेको आफ्नो सबै शेयर बेचेर कम्पनीबाट अलग हुने निर्णय गरेको थियो ।