नेकपा एसको महाधिवेशन जेठ ३ देखि ७ सम्म गर्ने निर्णय

१९ मंसिर, काठमाडौं ।  सत्तारुढ नेकपा एकीकृत समाजवादीको माघका लागि पूर्वनिर्धारित महाधिवेशन मिति सरेको छ । अब महाधिवेशन २०८१ साल जेठ ३ गतेदेखि ७ गतेसम्म काठमाडौंमा हुने भएको छ ।  

एकीकृत समाजवादीको केन्द्रीय सचिवालयको मंगलबारको बैठकले माघ १४ मा निर्धारित महाधिवेशनको कार्यतालिका पर सार्ने निर्णय गरेको प्रवक्ता जगन्नाथ खतिवडाले जानकारी दिए । यो समयमा राष्ट्रिय सभाको निर्वाचन पर्ने भएकाले महाधिवेशन पर सारिएको हो ।

बैठकले माघमा १४ र १५ मा राष्ट्रिय सम्मेलन गर्ने भएको छ । महाधिवेशनका लागि दस्तावेज तयार गर्न अध्यक्ष माधवकुमार नेपालको संयोजकत्वमा २७ सदस्यीय मस्यौदा समिति बनाइएको छ ।