शेयरबजार दोहोरो अंकले ओरालो, १ अर्बभन्दा बढीको कारोबार

१९ मंसिर, काठमाडौं । शेयरबजार दोहोरो अंकले ओरालो लागेको छ । मंगलबार १०.१० अंकले ओरालो लागेको शेयरबजार १८३७.७१ विन्दुमा आएर बन्द भएको छ । 

यसदिन २९२ कम्पनीका ३८ हजार ५८४ पटक भएको कारोबारमा ४६ लाख ९८ हजार ६८२ कित्ता शेयर किनबेच हुँदा १ अर्ब ५४ करोड ४९ लाख ३५ हजार ४३८ रूपैयाँको कारोबार भएको छ । 

यसदिन ६२ कम्पनीको शेयरमूल्य उकालो लाग्दा १६१ कम्पनीको ओरालो लागेको छ भने १४ कम्पनीको स्थिर रहेको छ ।