तस्करीको सुन गाल्ने एक कारखानामा प्रहरीको छापा

२० मंसिर, काठमाडौं । नेपाल प्रहरीले काठमाडौँको न्यूरोड स्थित तस्करीको सुन गाल्ने एक कारखानामा छापा मारेको छ । गएराति उपत्यका अपराध अनुसन्धान कार्यालयको टोलीले छापा मारेर एक जनालाई पक्राउ गरेको छ । प्रहरीले केहि दिन अघिदेखि निगरानी गर्दै आएको र प्रमाणसहित छापा मारेको जनाएको छ ।  

कारखाना सञ्चालकलाई पक्राउ गरिएको उपत्यका अपराध अनुसन्धान कार्यालयले जनाएको छ । प्रहरीले कारखानाबाट सुन पनि बरामद गरेको छ । सुनको परिमाण प्रहरीले सार्वजनिक गरेको छैन । आज पत्रकार सम्मेलनमार्फत सुन र गाल्ने मेसिनबारे जानकारी दिने बताइएको छ ।